زانکۆی سلێمانی یەکەمی هەرێم و چوارەمی عێراقە

+964

فەهمی نەبی

پێگەی ویبۆمەترێکس ریزبەندی ئەو زانکۆیانەی بڵاوکردوەتەوە، کە توێژینەوەکانیان زۆرترین گەڕانی بۆ کراوە و لە توێژینەوەی دیکە سوودی لێوەرگیراوە، بەپێی ئەم ریزبەندییە زانکۆی سلێمانی یەکەمی سەر ئاستی هەرێمە و چوارەمی سەر عێراقە.

پێوەری پێگەی ویبۆمەترێکس لەسەر بنەمای ریزبەندی Transparent Ranking بووە، ئەم پێگەیە لەسەر بنەمای زۆرترین سوودبینی توێژەرانی جیهان لە توێژینەوەکانی ئەو زانکۆیە ریزبەندییەکە دەکات، پێگەکە ریزبەندییەکەی لە مانگی تەمووزی ئەمساڵ ئەنجامداوە.
پرۆسەکە بەمجۆرەیە:
زانکۆکان توێژینەوەکانیان لەسەر گۆگڵ سکۆڵەری ستافی زانکۆ دادەنێن، سەرەتا 310 پڕۆفایل وەردەگیرێت، دواتر 20 پڕۆفایل دوور دەخرێتەوە، ئەوەی دەمێنێتەوە دەبێت هەر یەکێکیان هەزار جار گەڕانی بۆ کرابێت، بە گشتی ئەو گەڕانەی بۆ توێژنەوەکانی توێژەرانی زانکۆی سلێمانی کراوە، 60 هەزار و 860 گەڕان بووە.

بە گوێرەی ئەم ریزبەندییە، زانکۆی سلێمانی پلەی یەکەمی زانکۆکانی کوردستانی گرتووە و لەسەر ئاستی عێراق پلەی چوارەمی هەیە.