یەکێک لە بنکەکانی چاودێری کردنی سنوور کە هێشتا تەواو نەبووە. فۆتۆ: وەزارەتی ناوخۆی عێراق
عێراق دەیان تاوەری چاودێری لە سنوورەکانی ئێران و سلێمانی دانا
964+
هاوبەش ئەبوبەکر
لە پارێزگای سلێمانی، لەسەر هێڵی سفری نێوان عێراق – ئێران، سوپای عێراق دەیان تاوەر و کامێرای داناوە و بڕیار وایە هێزەکانی لیوای 21ـی پاسەوانی سنوور سەرپەرشتیان بکەن.
ئەمڕۆ هەینی 14.7.2023، لیوا سەعد مەعن بەڕێوەبەری پەیوەندییەكان و راگەیاندن لە وەزارەتی ناوخۆ بە میدیای فەرمی عێراقی راگەیاند، بە هەماهەنگی لەگەڵ هەرێمی كوردستان لیوای 21ـی پاسەوانی سنوور لەسەر سنوری پارێزگای سلێمانی لەگەڵ ئێران كرایەوە.
سەعد مەعن زیاتر وتی، 47 بنكەی سنوری لەسەر هێڵی سفری عێراق و ئێران دروستدەكرێن و لەئێستادا 50 تاوەری كۆنكرێتی و 40 كامێرا دانراون.
حکومەتی عێراق نیازی وایە، هەفتەی داهاتووش بنكەی چاودێریی كامێرا لە ناوچە سنوورییەکان بکاتەوە کە 130 کامێر لەخۆدەگرن.
هەروەها لە سنورەكانی قەزای شەنگال و سنوری عێراق و سوریا كامێرای چاودێری دادەنرێت.