خشتەی تاقیکردنەوەکانی خولی دووەمی پۆلی 12 بڵاوکرایەوە

964+

هاوبەش ئەبوبەکر

وەزارەتی پەروەردەی هەرێم خشتەی تاقیکردنەوەکانی پۆلی 12ـی ئامادەیی بۆ سەرجەم بەشەکان بڵاوکردەوە و هەموو رۆژێک تاقیکردنەوەکان بەڕێوەدەچێت.

بەپێی ئەو خشتەیەی کە ئەمڕۆ پێنجشەممە، وەزارەتی پەروەردە بڵاویکردووەتەوە، یەکەم تاقیکردنەوەی بەشی زانستی بە وانەی زیندەزانی و یەکەم تاقیکردنەوەی بەشی وێژەیش بە وانەی مێژوو دەستپێدەکات.

وەزارەتی پەروەردە رێکەوتی 6.8.2023ـی دیاریکردووە بۆ دەستپێکردنی تاقیکردنەوەکان.

بۆ ئەمساڵ،  117 هه‌زار و 364 قوتابی مافى به‌شداریان لە تاقیکردنەوەکان کرد، لەم ژمارەیەدا 75 هه‌زار و 239 قوتابی له‌به‌شی زانستى و 39 هه‌زار و 113 قوتابی له‌به‌شی وێژەیی و سێ هه‌زار و 12 قوتابیش له‌به‌شی پیشه‌یی.

رۆژی شەممە 3.6.2023 یەکەم رۆژی تاقیکردنەوە گشتییەکانی پۆلی 12ی ئامادەیی دەستیپێکرد و 24.6.2023 کۆتاییان هات.