شانۆگەریەكی كۆمیدیە
بوك و زاوا لە كۆن و ئێستادا نمایش دەكرێت
964+
كوردستان ئەحمەد
گروپی شانۆیی هەوار لە كەركوك وچەند شانۆكارێكی سەقز پێكەوە شانۆگەری بوك و زاوا لە ئێستا و لە كۆندا نمایشدەكەن.
شانۆگەریەكە لەلایەن نەژاد نەجمەوە كاری دەرهێنان و سەرجەم كارە هونەریەكانی دیكەی بۆدەكرێت، بەرهەمێكی كۆمیدی تەنز ئامێزی مێژووییە.
شانۆگەریەكە باس لە ژیانی هاوسەرگیری لە ئێستا و هاوسەرگیری لە كۆندا دەكات، چوار ئەكتەری سەرەكی رۆڵدەگێڕن لە شانۆگەریەكەدا.
نەژاد نەجم، دەرهێنەر و سەرپەرشتیاری شانۆكە بە 964ی وت، شانۆگەریەكە بەشێوەی ئۆنلاین سەرەتا كارمان تێدادەكرد و دواتریش توانیمان لە كەركوك چەند پڕۆڤەیەك بكەین، ئێستا ئامادەكاریی تەواوەتیان تێدایە بۆ ئەنجامدانی شانۆگەریەكە.
وا بڕیارە لە كەركوك و لە سەقزیش شانۆگەریەكە پێشكەشبكرێت، ئەكتەرەكان خەڵی شاری سەقزن و دەرهێنەرەكەش كەركوكییە، ئەم شانۆگەریە یەكەمین كاری هاوبەشی گروپی شانۆی هەواری كەركوك و شانۆكارانی سەقزە.