مۆنۆمێنتی هەڵەبجە _ فۆتۆ: 964
لە هەڵەبجە ئاسانکاری بۆ وەبەرهێنەران دەکرێت
964+
پێشەوا محەمەد
پارێزگای هەڵەبجە ئاسانکاری بۆ وەبەرهێنەران دەکات و دەیانەوێت زۆرترین پڕۆژە لە پارێزگاکەیان جێبەجێ بکرێت.
ئەوەی دەیانەوێت چاکسازیی تێدا بکەن ئاسانتر وەرگرتنی زەوی و کەمکردنەوەی رۆتیناتە.
بەرپرسانی ئیداریی سنوورەکە لە پلانیاندایە بە هۆی هەڵکەوتەی جوگرافی پارێزگاکەوە، زیاتر گرنگی بە پڕۆژەکانی باخداری و ئاژەڵداری بدەن.
“دوای جەژن لەگەڵ سەرجەم ئەو لایەنانە کۆدەبینەوە، کە پەیوەندیان بە ئێمەوە هەیە تا ئاسانتر زەوی دابین بکرێت و رۆتینات بۆ وەبەرهێنەران کەم بکرێتەوە”، ئەوە قسەی زانیار حەمەنووری، بەڕێوەبەری وەبەرهێنانی هەڵەبجەیە بۆ 964.
دەشڵێت، هەموو ئاسانکارییەکی تر دەکەن بۆ زووتر یەکلاییبوونەوەی پڕۆژەی وەبەرهێنان لە هەڵەبجە.