دوایین وێنهى ئه‌و منداڵه‌ى ته‌قته‌ق كه له سهرجێكهى له نه‌خۆشخانه ههڵساوهتهوه... وێنه: سۆسیال میدیاى ته‌قته‌ق
ئه‌و منداڵه‌ى كه‌وتبووه ناو مه‌نجه‌ڵى شله گه‌ڕێندرایه‌وه ماڵه‌وه
964+
فه‌رهاد حه‌سه‌ن
دواى 23 رۆژ مانه‌وه له نه‌خۆشخانه، ئه‌و منداڵه‌ى ناحیه‌ى ته‌قته‌ق كه كه‌وتبووه ناو مه‌نجه‌ڵێكی شله، ره‌وانه‌ى ماڵه‌وه كرایه‌وه و ته‌ندروستى به‌ره‌و باشبوونى ده‌چێت.
رۆژى 1.6.2023، منداڵێك به‌ناوى (ر. ر) ته‌مه‌ن چوار ساڵان، لە گوندى مه‌لازیادى سه‌ر به ناحیەی تەقتەق، لە ناو ماڵەكەی خۆیدا كەوتە ناو مەنجەڵی شلە و بەهۆیەوە زۆربەی جەستەی سووتا، بەهۆی سەختی سووتاوییەكەشی، لە نەخۆشخانەی تەقتەقەوە گوازرایه‌وە نەخۆشخانەی فریاكەوتنی رۆژاوای هەولێر و دواتریش نێردرایه نه‌خۆشخانه‌ى ئێمرجینسی هه‌ولێر.
سه‌رچاوه‌یه‌ك له نه‌خۆشخانه‌ى ئێمرجنسی هه‌ولێر ئه‌مڕۆ 24.6.2023 به 964ـى وت، له دوێنێوه ئه‌و منداڵه ره‌وانه‌ى ماڵه‌وه كراوه‌ته‌وه، به‌هۆى ئه‌وه‌ى ته‌ندروستى به‌ره‌و باشبوون ده‌چێت.
ئاماژه‌ى به‌وه‌شكرد، به‌هۆى ئه‌وه‌ى رێژه‌ى سووتاوییه‌كه‌ى نزیكه‌ى 50% یه، ئه‌و رێژه‌یه‌ش بۆ منداڵان زۆره، بۆیه ئه‌و ماوه زۆره له نه‌خۆشخانه مایه‌وه له ژێر چاودێری تووند دا بووه.