جۆ فرۆشێک لە سلێمانی. وێنە:96
هەر تۆنێک جۆ نزیکەی 300 هەزار دینار هەرزان بووە
964+
رێژوان مامە قادر – سلێمانی
هەر تۆنێک جۆی ئۆکرانی لە چاو ساڵی رابردووەوە نزیکەی 300 هەزار دیناری لێبووەتەوە، جۆی کوردی و شەش پەڕیش تۆنی نزیکەی 200 هەزار دیناریان لێبووەتەوە.
ئەمساڵ بەهۆی بارانبارینی زۆرەوە بەرهەمی جۆ زۆر بووە و وەرنەگرتنی بڕی ئەو جۆیەی بەرهەمیش دێت لە لایەن حکومەتی عێراقییەوە وایکردوە نرخەکەی داببەزێت.
کۆشیار مەحمود، فرۆشیاری گەنم و جۆ لە ناوبازاڕی سلێمانی بە 964ی وت، “پار تۆنێک جۆی ئۆکرانی بە 750 هەزار دینار بوو ئەمساڵ بە 450 هەزار دینارە و هەیە بە 400 هەزار دیناریش”.
ئاماژەی بەوەشکرد، جۆی کوردی و شەش پەڕ ساڵی رابردوو تۆنی بە 700 هەزار دینار بوو، ئەمساڵ هاتووەتە سەر 500 هەزار و 550 هەزار دینار.
پێداچوونەوە: توانا نەقی