پاڵەوانیەتییەکە لە جەزائیرە

کاراتێی عێراق لە ئێرانەوە خۆیان بۆ پاڵەوانیەتی عەرەبی ئامادە دەکەن

964+

یادگار محەمەد – سلێمانی

کاراتێی عێراق بە پێکهاتەیەکی کوردەوە لە ئێرانەوە ئامادەکاری بۆ پاڵەوانیەتی وڵاتانی عەرەبی دەکات و یاری دۆستانەشیان ئەنجامداوە.

پاڵەوانیەتیی کاراتێی وڵاتانی عەرەبی، بڕیارە لە 18 تاوەکو 26ـی مانگی داهاتوو لە وڵاتی جەزائیر دەستیپێ بکات.

هەڵبژاردەی کاراتێی عێراق بە هەشت یاریزانی کورد و راهێنەرێکی کوردەوە ئامادەکاری بۆ ئەو پاڵەوانێتییە دەکات و ئێستا لە ئێران بۆ ئەنجامدانی کەمپی مەشق و راهێنان.

هەر لە ئێران، هەڵبژاردەی کاراتێی عێراق یاری دۆستانەی لەگەڵ هەڵبژاردەی کاراتێی ئێران ئەنجامداوە و بەهۆی پێشکەشکردنی ئاستێکی بەرز کاپتنی هەڵبژاردەی عێراق لەلایەن بەرپرسانی ئێرانی خەڵات کرا.

شڤان عوسمان، کاپتنی هەڵبژاردەی عێراق قسەی بۆ 964 کردووە و دەڵێت: ماوەی سێ رۆژە لە ئێران مەشقەکانمان چڕ کردۆتەوە و ئامادەکارییەکان زۆر باشە و یاریزانان بەباشی راهێنانەکان دەکەن.

وتیشی “ئەنجامی یارییە دۆستانەکەمان دڵخۆشکەربوون، دوای رکابەرییەکانیش لەسەر ئەو ئاستە بەرزەی کە پێشکەشی کردووە، لەلایەن بەرپرسانی شاری کەرەجەوە خەڵاتکراین”.

پێداچوونەوە: فەرمان سادق