نرخی میوە لە بازاڕەكانی دهۆك زیادی كردووە

+964
كوردستان ئەحمەد
بە بەراورد بە چەند رۆژی رابردوو نرخی چەند جۆرێك سەوزە و میوە لە بازاڕەكانی دهۆك زیادی كردووە و تەماتە بە 500 و بایجان بە 800 دینارە.

بەپێی ئەو خشتەیەی عەلوەی دهۆك بڵاویكردووەتەوە لە بارەی نرخی سەوزە و میوەكانەوە لە ماوەی سێ رۆژدا نرخی هەریەكە لە پرتەقاڵ بە 1000 دینار و لیمۆ بە 900 دینارە و سێو بە 1100 دینار و هەرمێ بە 1150 دینارە.

زۆربەی میوە بەهاریەكان نرخیان لە زیادبووندایە، ئەمڕۆ شوتی كیلۆی بە 350 و كاڵەك  250 و فاسیۆلیای تەڕ
بە 1250 دینارە، بەڵام دوو رۆژ پێش ئێستا شوتی بە 900 دینار و كاڵەك بە 750 و فاسیۆلیای تەڕ بە 1000 دینار بوو.

بەشێك لە میوە بەهارییەكان بەهۆی ئەوەی خراپ نەبن ئێواران دووكاندارەكان بە هەرزانتر بە خەڵكی دەفرۆشن ئەمەش لەبەر ئەوەیە كە میوەكە نەمێنێتەوە و بۆگەن نەكات.

سەوزە و میوە بەهاری و هاوینەكان لە پێدەشت و زەویە بەراوەكانی نزیك دهۆك و گوندەكانی دەوروبەری قەزا و ناحیەكان بەرهەمدەهێنرێن و هەندێك لە جۆری میوەكانیش لە پارێزگاكانی دیكەوە دەنێردرێنە ئەو پارێزگایە.