هێزێکی دەزگای ئاسایشی هەرێم - وێنە: socialmedia
ئاسایشی هەرێم: تیرۆریستێکی داواکراومان ده‌ستگیر كرد
964+
ئه‌رسه‌لان عه‌بدوڵا
بەڕێوەبەرایەتیی ئۆپه‌راسیۆنەکانی دەزگای ئاسایشی هەرێم – سلێمانی، ده‌ڵێت “تیرۆریستێکی داعشیان دەستگیر کرد”.
به‌ڕێوبه‌رایه‌تییه‌كه له په‌یجی خۆیان له فه‌یسبووك، ئه‌م ئێواره‌یه بڵاویان كرده‌وه، “لەسەر بنەمای زانیاریی هەواڵگری و بەدواداچوون، بەهاوکاری ئاسایشی نیشتمانیی عێراق، زانیاری بەدەستهات لەسەر تیرۆریستێکی داعش کە داواکراوە لە دادگای ئەنبار و بە مەبەستی خۆحەشاردان روویکردووه‌تە سنوری پارێزگای هەڵەبجە “.
هه‌روه‌ها هاتووه، “دوای چاودێریکردن و ئاشکراکردنی شوێنی مانەوەی، شەوی 29.5.2023 لە لایەن بەڕێوەبەرایەتیی ئۆپه‌راسیۆنەکانی دەزگای ئاسایشی هەرێم، بە هاوکاری بەڕێوەبەرایەتی ئاسایشی شارەزوور تۆمەتباره‌كه دەستگیر کرا و پاش لێکۆڵینەوە رادەستی دادگای ئەنبار دەکرێتەوە “.