هاوسەرگیری و جیابونەوە گرافیک:964+
هەر رۆژێک لە عێراق 570 گرێبەستی هاوسەرگیری ئەنجامدراوە
964+
فەهمی نەبی
ئامارێکی دادگای باڵای عێراق دەریدەخات، لە ماوەی مانگی نیسان، 17 هەزار و 105 گرێبەستی هاوسەرگیری ئەنجامدراون، ئەمەش بە رێژەی ناوەندیی دەکاتە 570 حاڵەتی هاوسەرگیری بۆ هەر رۆژێک.
دادگای باڵای عێراق دەڵێت لەو ژمارە هاوسەرگیریەی تۆمارکراون، دوو هەزار و 319 حاڵەتی لە دەرەوەی دادگاکان ئەو پرۆسەیە ئەنجامدراون.
ئەمڕۆ پێنجشەممە دادگای باڵای عێراق، ئاماری هاوسەرگیری و جیابوونەوەی لە مانگی نیسان بڵاوکردەوە.
بەگوێرەی ئامارەکە لە دادگاکان چوار هەزار و 643 حاڵەتی جیابوونەوە تۆمارکراوە، ئەمەش 154 حاڵەت دەکات بۆ هەر رۆژێک، لەو ژمارەیە سێ هەزار و 317 حاڵەتیان لە دەرەوەی دادگا بوونە.
بەرزترین رێژەی جیابوونەوە لە پارێزگای بەغدا بووە هەزار و 150 حاڵەت بووە، دوای بەغدا پارێزگای بەسرە 424 حاڵەتی جیابونەوەی لێتۆمارکراوە.
بەپێی داتای پێگەی DATAREPORTAL ژمارەی دانیشتوانی عێراق لەساڵی 2022 گەیشتوەتە 41 ملیۆن و 670 هەزار کەس.