حەوت تۆڕی راوکردنی ماسی دەستیان بەسەرداگیرا

964+

پێشەوا محەمەد – سلێمانی

پۆلیسی دارستان و ژینگەی شارەزوور لەسەر دەریاچەی سیروان دەستیان بەسەر حەوت تۆڕی راوکردنی ماسیدا گرت، بەڵام خاوەنەکانیان دیارنەبوون.

تۆڕەکان لە سنووری چەمی زەڵم دۆزراونەوە و هیچ ماسییەکیان پێوەنەبووە.

پۆلیسی دارستان و ژینگەی شارەزوور ئەمڕۆ چوارشەممە 10.5.2023 بڵاویکردووەتەوە، پەڕاوی لێکۆڵینەوەیان بۆ کراوەتەوە و دۆسییەکە رەوانەی دادوەر کراوە.