![نیویۆرك تایمز قەڵای هەولێر پێشنیاز دەکات بۆ گەشتیاران](https://ku.964media.com/storage/2022/11/4281252ead2d2e2879b9a8ec44bda2c0_L.jpg)
قەڵای هەولێر
نیویۆرك تایمز قەڵای هەولێر پێشنیاز دەکات بۆ گەشتیاران
964+
كوردستان ئەحمەد – هەولێر
رۆژنامەی نیویۆرك تایمزی ئەمریكی ناوی ٢٥ شوێنی لە جیهاندا بڵاوکردووەتەوە کە شیاون بۆ گەشتکردن، یەکێک لەوانە قەڵای هەولێرە.
بەشی گەشت و لایف ستایڵی رۆژنامەکە بابەتەکەی بڵاوکردووەتەوە، لەناو ئەو ٢٥ شوێنەدا قەڵای هەولێر لە ریزبەندی ١١یەمیندایە.
باسی لەوەکردووە، کە قەڵای هەولێر یەکێکە لە کۆنترین ئەو جێگایانەی مرۆڤ تێیدا ژیاوە و شارستانیەت و ئاوەدانی تێدا بووە.
ئەو بابەتە بە راوێژ لەگەڵ چەندین گەشتیاری جیهانی ئامادەکراوە، رۆژنامەکە خۆی وای نوسیوە.
لە ساڵی ٢٠١٤ قەڵای هەولێر لەلایەن یونسکۆوە چووە لیستی شوێنەوارە دێرینەکان و تاوەکو ئێستا نۆژەنکردنەوەی ئەو شوێنەوارە مێژووییە بەردەوامە.