کلاسیکۆ فۆتۆ: سۆشیال میدیا
ئه‌مشه‌و كلاسیكۆی یه‌كلاكه‌ره‌وه به‌ڕێوه‌ده‌چێت
964+
ئه‌رسه‌لان عه‌بدوڵا
ئه‌مشه‌و كلاسیكۆیه‌كی دیكه‌ی ئیسپانیا به‌ڕێوه‌ده‌چێت و ئه‌مجاره‌ش بارسێلۆنا و ریال مه‌درید رووبه‌ڕوو ده‌بنه‌وه، براوه‌شیان ده‌گاته یاریی كۆتایی جامی شای ئیسپانیا.
یارییه‌كه كاتژمێر 10:00ی شه‌و ده‌ستپێده‌كات و یاریی گه‌ڕانه‌وه‌ی پێش كۆتایی جامی شای ئیسپانیایه، دوای ئه‌وه‌ی له یاریی چووندا بارسێلۆنا به گۆڵێك له ریال مه‌دریدی برده‌وه، كه له ناو مه‌درید كرا.
یاریی ئه‌مشه‌و له ناو بارسێلۆنایه و تیپه‌كه‌ی كه‌ته‌لۆنیا به یه‌كسانبوون ده‌گاته یاریی كۆتایی، به‌ڵام ریال مه‌درید ته‌نیا به بردنه‌وه‌ی به جیاوازی دوو گۆڵ ده‌گاته یاریی كۆتایی.
جێی سه‌رنجه یانه‌ی ئۆساسۆنا بلیتی یاریی كۆتایی ئه‌م وه‌رزه‌ی جامی شای به‌ده‌ستهێنا، دوای ئه‌وه‌ی به كۆی هه‌ردوو یاریی چوون و گه‌ڕانه‌وه، له یانه‌ی ئاتلێتیك بیلباوی برده‌وه.