دیمهنێكی باران بارین سنوورى قهرهداغ... وێنه: دابان قەرەداغی
لە دهۆک زیاتر
ئەمڕۆ نابارێت و سبەینێ باران دەستپێدەکاتەوە
964+
وریا فەتاح
بەپێى پێشبینییەکانى کەشناسى هەرێم، ئەمڕۆ یەکشەممە ئاسمان پەڵەهەور و نیمچە هەور دەبێت و کەشەکە زیاتر وەک دوێنێ دەبێت، بەڵام سبەینێ دووشەممە، نمە باران لە دهۆکەوە دەستپێدەکات.
وەک ئەوەى کەشناسى بڵاوى کردووەتەوە، ئەمڕۆ یەکشەممە ئاسمان پەڵە هەور و نیمچە هەور دەبێت و پلەکانی گەرما کەمێک بەرز دەبێتەوە بەراوورد بە تۆمارکراوەکانى دوێنێو خێرایى با لە نێوان 5 بۆ 10 کیلۆمەتر دەبێت لە کاتژمێرێکدا.
لەبارەى رەوشى کەشوهەواى سبەینێ دووشەممە کەشناسى بڵاوى کردووەتەوە کە ئاسمان لە ساماڵ و پەڵە هەورەوە دەگۆڕێت بۆ نیمچە هەور، ئەگەرى نمە باران لە سەر بەشێک لە ناوچە شاخاوییەکانى پارێزگاى هەولێر و ناوچە شاخاوییەکانى پارێزگاى دهۆک و سەنتەرى پارێزگاى دهۆک هەیە.
ئاشکراشى کردووە، بەراورد بە تۆمارکراوەکانى ئەمڕۆ، پلەکانى گەرما کەمێک بەرز دەبنەوە.
بەرزترین پلەکانی گەرمای پێشبینیکراو بە پلەی سیلیزی :
هەولێر :16 پلەى سیلیزى
سلێمانی : 15 پلەى سیلیزى
دهۆک : 16 پلەى سیلیزى
کەرکوک : 18 پلەى سیلیزى
هەڵەبجە : 14 پلەى سیلیزى
زاخۆ : 16 پلەى سیلیزى
حاجی ئۆمەران : 6 پلەى سیلیزى
سۆران : 10 پلەى سیلیزى
گەرمیان : 19 پلەى سیلیزى