مانگی رەمەزان بە دەرفەت دەزانن بۆ کێش دابەزاندن
964+
هۆگر عەدنان – چەمچەماڵ
هەندێک لەو کەسانەی کێشی لەشیان زیادە، رەمەزان وەک دەرفەتێک بەکاردەهێنن بۆ دابەزاندنی کێشیان و روودەکەنە هۆڵەکانی لەشجوانی بۆ وەرزشکردن.
ئەو کەسانە بە قسەی خۆیان زوو زوو تەنگەنەفەس دەبن و ئازاری جومگەشیان هەیە و تووشی چەندین نەخۆشی بوون، هەر ئەوە وای لێکردوون بیر لە وەرزشکردن بکەنەوە.
هەورامان فەریق، راهێنەری لەشجوانی بۆ 964 باسی ئەوەدەکات بەهۆی قەڵەویی و کێش زیادییەوە هەندێک کەس توشی چەندین نەخۆشی بوون بۆیە گرنگە رووبکەنە هۆڵەکانی لەشجوانی و کات تەرخان بکەن بۆ وەرزشکردن.
ئەو کەسانەشی بەهۆی کێش زیادییەوە روویان کردووەتەوە وەرزشکردن داوا لە خەڵکی دیکە دەکەن شەوانی رەمەزان بکەنە دەرفەتێک بۆ دابەزاندنی کێشیان و باشترکردنی تەندروستییان.
پێداچوونەوە: توانا نەقی