مامۆستا جاسم کەلاری بۆ 964:
“شێتی کتێبم و رۆژانە لانیکەم 100 لاپەڕە دەخوێنمەوە”
964+
میلاد جەلال – گەرمیان
جاسم کەلاری مامۆستای ئایینی دیاری کوردستان دەڵێت، “وەک چۆن گەنجێک بە کچێکەوە دەیگرێ و عاشق و شێت و شەیدای دەبێ، من ئاوا شێت بووم بۆ کتێب”.
ئەمڕۆ 23ـی 4 رۆژی جیھانی کتێبە و دەربارەی موعجیزە و نهێنییەکانی کتێب، مامۆستا جاسم قسەی بۆ مایکی 964 کردووە و دەڵێت، “کتێب باشترین ھاوڕێیە، ھەمیشە ئامۆژگاری خوێندکارەکانم و گەنجان دەکەم کە بخوێننەوە، لەڕووی ئاینییشەوە خوێندنەوە لەپێش ھەموو شتێکەوەیە”.
وەک خۆی دەڵێت، هەر رۆژێک کەمتر لە 100 لاپەڕە بخوێنێتەوە، هەست دەکات ئەو رۆژەی دۆڕاندووە و لەگەڵ ماڵومناڵیشی میزاجی تێکدەچێت.
پێداچوونەوە؛ شۆڕش قادری
