هەولێر.. زیاتر لە 100 جۆری گوڵ نمایش کران
964+
مەریەم ئەحمەد
سێیەمین پێشانگای گوڵ بە بەشداری 25 کۆمپانیا لە هەولێر کرایەوە. سەرپەرشتیاری پێشانگایەکەش دەڵێت، دار زەیتونی تێدایە تەمەنی هەزار ساڵە.
ئەمڕۆ چوارشەممە 15.3.2023، لە بەردەم دەرگای پاركی شانەدەر، سێیەمین پێشانگای گول و باخچە.
لە پێشانگایەکەدا 25 کۆمپانیا زیاتر لە 100 جۆری گوڵ نمایش دەکرێن، جگە لە داری جوانکاری.
سەرپەرشتیاری پێشانگایەکە دەڵێت: 70%ـی گوڵ و دارەکان بەرهەمی ناوخۆن، ئەوەی دیکەش بەرهەمی بیانین.
رێبین ئەحمەد، بەڕێوەبەری ئەندازەی پاركەكان و سەرپەشتیاری پێشانگایەکە بە 964ـی وت، پەتۆنیا دەدۆنیا، پڕخ تەتۆنیا، پرخ، سیسەم، ژاڵە، شمشال، مەنۆلیا، گولە قەدیفە، پەپولەداری واشنتۆن، زەیتون و گوڵە جەهنەمی زۆرترین خواستیان لەسەر هەیە.
ناسر زرار، گوڵفرۆش بە 964ـی وت: داری زەیتونی ئیسپانی کە لەم پێشانگایە هەیە و تەمەنی سەرووی هەزار ساڵە، نرخەکەی دەگاتە 15 هەزار دۆلار (دەفتەرێک نیو دۆلار)، بەڵام هەیە نرخەکەی دەگاتە چوار دەفتەریش کە تەمەنی دوو هەزار ساڵ دەبێت.
پێشانگایەکە بۆ ماوەی سێ رۆژ بەردەوام دەبێت.