یەکەمین نەوتهەڵگر رێگەکەى گۆڕى
میدیاى ئێرانى: گەرووی هورمز بە تەواوەتی داخرا
964+
وریا فەتاح
لە نوێترین پێشهاتدا، ئێران گەرووی هورمز بە رووی کەشتییەکاندا بە تەواوەتى داخست و یەکەمین نەوتهەڵگر لە ترسی رێگری یان پەککەوتنی هاتوچۆ، رێگەکەی گۆڕیوە و گەڕاوەتەوە بۆ دواوە.
ئاژانسى هەواڵى فارس بڵاوى کردەوە، کەشتیی نەوتهەڵگری (AUROURA) کە بەرەو دەرچەی گەرووی هورمز دەڕۆیشت، لە نزیک کەناراوەکانی “موسەندەم” و نزیک ناوچەی “خەسب” لەناکاو ئاراستەی خۆی گۆڕیوە. کەشتییەکە 180 پلە سووڕاوەتەوە و لە جیاتی چوونە دەرەوە، گەڕاوەتەوە بۆ ناو قووڵایی کەنداوی فارس.
گەڕانەوەی لەناکاوی ئەم کەشتییە و داخستنی گەرووەکە، هاوکاتە لەگەڵ هەڕەشە توندەکانی تاران کە رایگەیاندبوو ئەگەر مەرجەکانیان بۆ ئاگربەست جێبەجێ نەکرێت، رێگە بە تێپەڕبوونی هیچ کەشتییەک نادەن.
