ئەمریکا هەنگاوەکەی هەرێمی بۆ هەناردەکردنی نەوتی عێراق بە گرنگ زانیوە

964+

فەرهاد حەسەن

مەسرور بارزانی سەرۆکی حکومەتی هەرێم رایگەیاند، ئێوارەی ئەمڕۆ سێشەممە پەیوەندییەکی تەلەفۆنییان لە باڵیۆز تۆم باراک نێردەی تایبەتی دۆناڵد ترەمپ بۆ سووریا و باڵیۆزی ئەمەریکا لە تورکیا پێگەیشتووە و دەستخۆشی ئەم هەنگاوەی لێکردوون کە لەبەرامبەر هەناردەکردنی نەوتی عێراق داویانە.

سەرۆکی کحومەت دەڵێت “باڵیۆز تۆم باراک، سڵاو و رێزی سەرۆک ترەمپی پێگەیاندین و دەستخۆشی لێکردین بۆ هاوکاریکردنی حکومەتی فیدراڵ لە پێناو هەناردەکردنی نەوت لە رێگەی تورکیاوە”.

ئاماژەیان بەوە دا کە گفتوگۆکانیان لەگەڵ حکومەتی فیدراڵ بەردەوامە و تیمی هەرێمی کوردستانیشیان راسپاردووە ئاسانکاری بۆ هەناردەکردنی نەوت بکرێت لە پێناو بەرژەوەندی خەڵک لەم دۆخە سەختەدا.

دەشڵێت، ئەوەی پێویست بێت بۆ بەرژەوەندی گشتی دەیکەن و داواشیان لە ئەمەریکا کردووە کە بەردەوام بێت لە رۆڵی چاودێرانەی خۆی لە دانوستانەکانی نێوان هەولێر و بەغدا لەبارەی پرسی گومرگ و ئابلوقەی بازرگانی .

هەردوولاش جەختیان لە سەر پەرەپێدانی هاریکاری و هاوئاهەنگیی بەردەوامی نێوان هەرێمی کوردستان و ئەمەریکا لە پێناو ئاشتی و ئاسایش و سەقامگیریی ناوچەکەدا کردووەتەوە.