ئێران پێنج فڕۆکەی سوتەمەنی هەڵگری ئەمریکا بەئامانج گرتووە

964+

ئەحمەد مستەفا

میدیاکانی ئەمریکا، ئەمڕۆ شەممە 14.3.2026، لە زاری بەرپرسانی وڵاتەکە دانیان بەوەدا ناوە کە لە ماوەی هەفتەی رابردوو، پێنج لە فڕۆکە سوتەمەنی هەلگرەکانی KC-135ی ئەو وڵاتە لە سعودیە زیانیان بەرکەوتووە.

رۆژنامەی وۆڵ ستریت جۆرناڵ بڵاویکردەوە، پێنج فڕۆکەی سوتەمەنی هێزی ئاسمانی ئەمریکای لەسەر زەوی لە بنکەی ئاسمانی شازادە سوڵتانی سعودیە لێیان دراوە و زیانیان پێگەیەندراوە، ئەوەش بە درۆن وو موشەکی ئێرانی کە ئاڕاستەی بنکەکە کراوە.

رۆژنامەکە نووسیویەتی، ئەمەش دەبێتە هۆی پەرەسەندنێکی گەورە لە ململانێ لە رۆژهەڵاتی ناوەڕاستدا کە ئەمریکا و ئیسرائیل و کۆماری ئیسلامی ئێران تێیدا بەشدارن.

یەکێک لە بەرپرسانی سەربازی ئەمریکی بە رۆژنامەکەی وتووە، لە چەند رۆژی رابردوودا لە کاتی کۆبوونەوەیەکی فڕۆکەکان بە ئامانج گیراون، زیانیان پێگەیشتووە بەڵام بە تەواوی لەناونەچوون و ئێستا نۆژەن دەکرێنەوە.

ئەوە لە کاتێکدا، دوێنی هەینی فەرماندەیی ناوەندی ئەمریکا “سێنتکۆم”، لە تۆڕی ئێکس رایگەیاند، فڕۆکەیەکی سووتەمەنی هەڵگری KC-135مان لە عێراق کەوتووەتەە خوارەوە.

ترەمپ: ئێران داواى رێککەوتنمان لێدەکات