زیانی گیانی نەبوو
لەناو سەنتەری چۆمان درۆنێک کەوتەخوار
964+
ئاکام غەفوور – سۆران
لەناو سەنتەری قەزای چۆمان درۆنێک کەوتەخوار و زیانی ماددی لێکەوتەوە.
ئەحمەد بارزان عەلیکۆ قایمقامی قەزای چۆمان بە 964ـی وت، “لە سەنتەری چۆمان و لە گەڕەکی بەری کۆسرەتان، درۆنێک کەوتووەتە خوارەوە بەڵام زیانی گیانی نەبووە”.
“هێزە ئەمنییەکان و تیمەکانی پشکنێن چوونەتە شوێنەکە و لە پارچەکان و ماتۆڕە دوو پستنەکەی دیارە کە درۆن بووە”، ئەحمەد بارزان وای وت.
ئاماژەی بەوەشکرد، کەوتنەخوارەوە ئەو درۆنە زیانی بە چەند خانوویەک و تۆڕی ئاوی گەڕەکەکە و ئۆتۆمبێلێکیش گەیاندووە.
پێداچوونەوە؛ شۆڕش قادری
