کۆگای کەرەستەی دروستکردنی زایی بووە
پارچەی درۆن کۆگایەکی لەسەر رێگای گەزنە سووتاند
964+
عەبدولعەزیز خالند – هەولێر
بەهۆی ئەو درۆنەی لە سەر رێگای گەزنە کەوتەخوار، ئاگر لە کۆگایەک کەوتەوە و تیمەکانی بەرگری شارستانی سەرقاڵی کۆنتڕۆڵکردنی ئاگرەکەن.
ئێوارەی ئەمڕۆ دوو تەنی نامۆ لە هەولێری پایتەخت کەوتنەخوارەوە کە یەکێکیان لە نزیک گوندی لوبنانی و ئەوەی دیکەشیان لە نزیک کۆگاکانی سەر رێگای گەزنە بوو، شایەتحاڵان دەڵێن، درۆن بوون و لەلایەن سیستمی بەرگری موشەکی هێزەکانی ئەمریکا خراونەتەخوارە.
پارچەی ئەوەیان کە لەسەر رێگای گەزنە کەوتووەتەخوار بەئاگرەوە کەوتووەتە ناو کۆگایەکی دروستکردنی زایی و ئاگرێکی گەورەی دروستکرد.
دوای رووداوەکە 10 تیمی بەرگری شارستانی چوونەتە شوێنەکە و سەرقاڵی کۆنتڕۆڵکردنی ئاگرەکەن.
پێداچوونەوە؛ شۆڕش قادری
