رووداوێكی ناخۆش له ههولێر
شایهتحاڵێک: جهنازهی بهنگلادیشییهكانم به چاوی خۆم دیت
964+
عهبدولعهزیز خالند
ئهمڕۆ له ههولێر سێ كرێكاری بهنگلادیشی گیانیان لهدهست دا، كه گومان دهكرێت به خواردن ژههراوی بووبن، شایهتحالێكیش دهڵێت، ئهوان شهوانه له شوێنێك پاسهوان بوون و دوو كرێكاری دیكهش لهوێ بوون، بهڵام ئهوان نهمردوون.
بەختیار محەمەد شایهتحاڵێكه، به 964ی وت، ئهوان له نزیك دوكانێك دهمێننهوه وهك پاسهوان، كه دوكانهكه هی كوڕه خوشكهكانیهتی.
وتیشی، خۆم چووم و جهنازهكانم بینی، دیاربوو شهو برنج و ماسییان خواردبوو، سێ كهسیان گیانیان لهدهست دا، دوو كهسی دیكهشیان لهگهڵ بوو، ئهوان ئێستا له نهخۆشخانهن و ماون.
بهختیار وتی، ئهوان خۆیان خواردنهكانیان هێناوه و هێشتاش دیار نییه ژههراوی بوونه یان نا.
پێشتریش سهرچاوهیهك له پزیشكی دادیی ههولێر به 964ی وت، تهرمهكان لای ئهوانن و توێكاری بۆ دهكهن.
پێداچوونهوه: ئهرسهلان عهبدوڵا
