خۆڵ و خاشاکی ناو قەڵا کۆکرایەوە و گواسترایەوە بۆ کانی قرژاڵە – وێنە؛ بەڕێوەبەرایەتی خزمەتگوزاری ژینگەپارێزی هەولێر
پاڵەوانانی ژینگەپارێز ئیشەکەیان کرد
زبڵ و خاشاکی ناو قەڵا کۆکرایەوە و گواسترایەوە بۆ کانی قرژاڵە
964+
شۆڕش قادری
هەرچی خۆڵ و خاشاکی زیادە هەبوو لەناو قەڵای هەولێر، بە 10 کرێکار و نۆ بارهەڵگر کۆکرایەوە و گواسترایەوە بۆ زبڵخانەی کانی قرژاڵە.
بەڕێوەبەرایەتیی خزمەتگوزاری ژینگەپارێزی هەولێر، چەند وێنەیەکی ناو قەڵای بڵاوکردووەتەوە و نووسیویەتی، ئەمڕۆ دووشەممە 23.2.2026 لە هەڵمەتێکی فراوان و لە رێگای شۆفڵێک و پۆپ کاتێک و نۆ بارهەڵگری گەورە و هەروەها 10 کرێکار، نزیکەی 975 مەتر سێجا لە پاشماوەی بیناسازی و زبڵ و خۆڵ وخاشاک، لە ناو قەڵای دێرینی هەولێر گواستراوەیەوە و فڕێدرا بۆ زبڵخانەی کانی قرژاڵە و شوێنەکە بە تەواوی پاککرایەوە.
