"سەروو نۆ ملیۆن و 500 هەزار دیناربوو"
بەبۆنەی مانگی رەمەزانەوە دەفتەری قەرزەکانی سووتاند
964+
ئاکام غەفوور – سۆران
کاسبکارێکی دەڤەری سۆران بەبۆنەی مانگی رەمەزان دەفتەری قەرزەکانی سووتاند و گردنی قەرزارەکانی ئازاد کرد.
بەشدار موتەلیب کارگەیەکی فەڕش شۆردنی هەیە و بە 964ـی وت، “قەرزەکانم نۆ ملیۆن و 500 هەزار دینار بەسەرەوە بوو، بەبۆنەی مانگی رەمەزانەوە بڕیارمدا لە هەمووی خۆش بم و لێیان وەرنەگرمەوە بەبێ جیاوازی”.
“بەحوکمی ئەوەی معاش نییە، ئیشەکە هەمووی بووەتە قەرز، دەفتەرەکەی منیش قەرزی ساڵێک و چوار مانگی تێدا بوو و خەڵک فەقیر و هەژاریشی زۆر تێدابوو، دەفتەرەکەم سووتاند و گردنی هەموویانم ئازاد کرد”، بەژدار موتەلیب وای وات.
ئاماژەی بەوەشکرد، لەکاتی سووتاندنی دەفتەرەکەی هەستی بە ئارامی کردووە و زۆر دڵخۆش بووە بەو کارەی.
پێداچوونەوە؛ شۆڕش قادری
