"هەر کیلۆیەک دوو هەزار دیناری چووەتەسەر"

لە هەولێریش گۆشتی ئاژەڵ بەزیندەقەپان گرانبووە

11:38

964+

عەبدولعەزیز خالند – هەولێر

لە هەولێریش گۆشتی ئاژەڵ بەزیندەقەپان گرانبووە و هەر کیلۆیەک نزیکەی دوو هەزار دیناری چووەتەسەر.

حاجی حەمەدەمین ئاژەڵدارە و لە مەیدانی ئاژەڵانی هەولێر قسەی بۆ مایکی 964 کردووە و دەڵێت، “مەسرەفی حەیوانی زۆرە و هەموو ساڵێکدا لەم کاتەدا نرخەکەی بەرزدەبێتەوە، مانگێک پێش کیلۆیەک گۆشتی ئاژەڵ بەزیندەقەپان بە حەوت هەزار و 500 دیناربوو، بەڵام ئێستا نۆ هەزار و 500 دینار دەکات”.

ئاماژەی بەوەشکرد، هۆکاری بەرزبوونەوەی گۆشتی ئاژەڵ لەئێستادا بۆ خواستی هاوڵاتیان و بازاڕ گەرمی دەگەڕێتەوە.

لەچەند رۆژی رابردوودا نرخی گۆشتی سوور لە سلێمانی و چەند شوێنێکی دیکەی کوردستانیش بەرزبووەتەوە و هەر کیلۆیەک گۆشت نزیکەی دوو هەزار دینار گرانبووە.

پێداچوونەوە؛ شۆڕش قادری