یەک کاتژمێر لە نەخۆشخانە مایەوە
شۆفێری ئەو بارهەڵگرەی لەسەر رێگەی مەخموور وەرگەڕا گیانی لەدەستدا
964+
ئەحمەد شەمزین -هەولێر
ئێوارەی ئەمڕۆ شەممە، بەهۆی وەرگەڕانی بارهەڵگرێک لەسەر ڕێگەی سەرەکیی هەولێر – مەخموور، شۆفێرەکە دوای گەیاندنی بە نەخۆشخانە گیانی لەدەستدا.
رووداوەکە لە کاتژمێر 07:00ـی ئێوارە لە نێوان گوندی سێبیران و گوندی گەردەشینە روویداوە، کاتێک بارهەڵگرەکە کۆنتڕۆڵی لەدەستداوە و وەرگەڕاوە.
فاخیر کاکۆ، کە خزمێکی نزیکی شۆفێرەکەیە، بە 964ـی راگەیاند: “دوای ئەوەی شۆفێرەکە گەیەندراوەتە نەخۆشخانەی رۆژئاوا لە هەولێر، تەنیا یەک کاتژمێر لەژێر چاودێریی پزیشکیدا مایەوە و بەهۆی سەختیی برینەکەیەوە گیانی لەدەستدا.”
وتیشی: “ئێستا خەریکی رێکارەکانین بۆ ئەوەی تەرمەکەی ببەینەوە مەخموور و لە گوندی گەردەشینە بە خاکی بسپێرین.”
پێداچوونەوە: وریا فەتاح
