لەسەر رێگای هەولێر - شەمامک
لە رووداوێکی هاتوچۆدا ماتۆڕسوارێک گیانی لەدەستدا
964+
عەبدولعەزیز خالند – هەولێر
لەسەر رێگای هەولێر – شەمامک ماتۆڕسوارێک خۆی بە ئۆتۆمبێلێکدا کێشا و گیانی لەدەستدا.
پاشنیوەڕۆی ئەمڕۆ پێنجشەممە 12.2.2026 لەسەر رێگای هەولێر – شەمامک و لە بەردەم بەنزینخانەی چیا، گەنجێکی ماتۆڕسوار کە تەمەنی 21 ساڵە، خۆی بە ئۆتۆمبێلێکدا کێشاوە و دەستبەجێ گیانی لەدەستداوە.
سەرچاوەیەک لە پزیشکی دادی هەولێر بە 964ـی وت، “تەرمەکە لە ئێستادا لە پزیشکی دادیە، گەنجەکە سەڵت بووە و ژیانی هاوژینی پێکنەهێناوە، دوای ئەنجامدانی توێکاری، تەرمەکەی رادەستی کەسوکاری دەکرێتەوە”.
ئاماژەی بەوەشکرد، ئەو گەنجە خەڵکی گوندی مێرخوازرە لە ناحیەی شەمامک.
پێداچوونەوە؛ شۆڕش قادری
