خۆراک، شیر، دەرمان و کەلوپەلی ناوماڵ
ناحیەی پێباز هاوکارییەکانی کۆکردەوە و رەوانەی رۆژئاوای کوردستانی کرد
964+
فەرهاد حەسەن
هاوکارییەکانی دانیشتوانی ناحیەی پێباز و دەوروبەری دوای کۆکردنەوەیان لە کەمپینێکدا ئەمڕۆ بۆ رۆژئاوای کوردستان بەڕێكرا.
عەدنان عەلی، بەڕێوەبەری ناحیەی پێبازی سەر بە ئیدارەی گەرمیان لەگەڵ سەرۆکی شارەوانی و لێپرسراوی بنکەکانی ئاسایش و پۆلیس و سەرپەرشتیارانی راستەوخۆی کەمپینەکە بڕی کۆکراوەی هاوکارییەکانی راگەیاند.
زیاتر لە 3000 سەبەتەی خۆراک کە هەریەکێک لەو سەبەتانە 13 جۆر مادەی تێدایە، 375 بەتانی و دۆشک، بڕێکی زۆر شیری منداڵان و دەرمان و کەلوپەلی ناوماڵ، هاوکارییە کۆکراوانکانی دانیشتوانی ئەم ناحیەی بوون.
بەڕێوەبەری ناحیە وتی “تەواوی ئەو هاوکاریانەمان رادەستی مانگە سوری کوردی لە رۆژئاوای کوردستان کرد بۆ ئەوەی بیگەیەننە دەست خوشک و برایانمان”.
کەمپینەکەی هاوکاری رۆژئاوا لە هەڵەبجە دوو رۆژی ماوە
