زیاتر لە نیو ملیۆن هاوبەشی کارەبا هەن

زیاتر لە 15000 هاوبەشی نوێی کارەبا لە سلێمانی تۆمار کراون

2026-02-05 | 12:45

964+

شۆڕش قادری

بەپێی ئامارەكانی بەشی كاروباری وزە، لە سنووری بەڕێوەبەرایەتی گشتی كارەبای سلێمانی، ساڵی رابردوو زیاتر لە 15 هەزار هاوبەشی نوێ تۆماركراون و كارەبایان وەرگرتووە.

به‌پێی ئاماره‌كه‌ كۆتایی ساڵی 2024 كۆی هاوبەشانی كارەبای سنووری بەڕێوەبەرایەتی گشتی كاره‌بای سلێمانی 540 هەزار و 385 هاوبەش بووە و لە كۆتایی ساڵی 2025 زیادیكردوە بۆ 555 هەزار و 520 هاوبەشی كارەبا، بەوەش ساڵی رابردوو 15 هەزار و 135 هاوبەشی نوێ تۆماركراون و كارەبایان وەرگرتووە.

بەڕێوەبەرایەتی کارەبای سلێمانی رایگەیاندووە، لەو ژمارەیە 10 هەزار و 684 یان ‌هاوبەشی ماڵان بوون كە كارەبایان وەرگرتووە و تۆماركراون.