قەمسەڵەکەی بەخشی و مدیرەکەی خەڵاتی کرد

964+

ئەحمەد مستەفا

ئەو کارمەندەی هاتوچۆی گەرمیان بەهۆی سارد و سەرما قەمسەڵەکەی خۆی کردە بەری منداڵێک، ئەمڕۆ لەلایەن بەڕێوەبەری هاتوچۆی ناوشاری گەرمیان خەڵاتکرا.

هاتوچۆی گەرمیان لە بڵاوکراوەیەکدا دەڵێ، کارمەندێکی بەڕێوەبەرایەتی هاتوچۆی گەرمیان ـ بەشی هاتوچۆی ناوشار، لەچەند رۆژی رابردوودا، قەمسەڵەکەی بەری وەک کارێکی ئینسانی بەهۆی باران و سەرماوە بەخشیی بە منداڵێک.

ئەمڕۆ یەکشەممە 1.2.2026، لەلایەن بەڕێوەبەری هاتوچۆی ناوشار مقدەم رزگار عەدنان، خەڵات و رێزلێنانی پێ بەخشرا، لەپای جێبەجێکردنی ئەرکی سەرشانی و ئەو کارە جوان و پەروەردەییە.

بە خۆپیشاندان؛ هەموو گەرمیان لە کەلارەوە پشتیوانى رۆژئاوا دەکەن