دیمەنی رووداوی هاتوچۆکەی کەلار.وێنە.هاتوچۆی گەرمیان
لە کەلار
بە رووداوی هاتوچۆ سێ هاوڵاتی بریندار بوون
964+
توانا نەقی
بەم درەنگانی شەوە لەناو شاری کەلار لە ئەنجامی پێکدادانی دوو ئۆتۆمبێل لەنزیک کتێبخانەی گشتی سێ کەس برینداربوون و رەوانەی نەخۆشخانە کراون.
بەڕێوەبەرایەتی هاتوچۆی گەرمیان بڵاویکردەوە، لە ترافیک لایتی کتێبخانەی گشتی لەناو شاری کەلار بەهۆی پێکدادانی دوو ئۆتۆمبێلی جۆری نیسان ئاڵتیما و BYD سێ کەس برینداربوون.
ئاماژە بەوەشکراوە، بریندارەکان هەر دوو شۆفێرەکە و سەرنشینێکی ئۆتۆمبێلی جۆری BYDـەکە بوون، لەدایک بووی ساڵی 1985 و 2007 و 1985 بوون.
ئێستا بریندارەکان رەوانەی نەخۆشخانەی فریاکەوتنی شەهید هەژار کراون و لێکۆڵینەوە لە رووداوەکە دەستیپێکردووە بۆ دڵنیابوون لە هۆکار و چۆنیەتی رووداوەکە.
