کاریگەری لافاوەکە مەترسییە بۆ سەر ژینگە
فریای درەختە بە تەمەنەکانی نێوان چەمچەماڵ و تەکیە بکەون
964+
فەرهاد حەسەن
دوای ئەوەی لە رۆژی 9.12.2025 لافاو رووبەڕووی قەزای چەمچەماڵ و دەوروبەری بووەوە و زیانی جۆراوجۆری بەجێهێشت، بەڵام هێشتا کاریکەرییەکانی ئەو لافاوە لەسەر ژینگەی ئەم سنوورە ماوە و هەڕەشەی لەناوچوون لەسەر دەیان درەختی بەتەمەن دەکات لکە کەوتوونەتە سەر رێگای گشتی چەمچەماڵ بۆ ناحیەی تەکییە.
هێز و تەوژمی لافاوەکە زۆربەی ئەو ئەو درەختانەی بنکۆڵکردووە و رەگەکانی لە ژێر خاک دەرهێناون.
مەعروف مەجید، سەرۆکی رێکخراوی ئایندە بۆ پاراستنی ژینگەم لە شوێنی درەختەکان لێدوانێکی ڤیدیۆی بۆ 964 ناردووە و داوادەکات هەرچی زووە چارەسەرێکی دۆخی ئەم دارانە بکرێت.
دەشڵێت “پێشتر لایەنە پەیوەندیدارەکانم لەو کێشە ژینگەیە ئاگادار کردووەتەوە، بەڵام بە داخەوە تاوەکو ئێستا چارەسەر نەکراوە”.
داوا لە سەرمایەدار و خێرخوازان دەکات هیممەت بکەن بۆ چارەسەرکردنی ئەم درەختانە.
لە چەمچەماڵ داوا دەکرێت خواپێداوەکان بەشداری کەمپینی هاوکارییەکانی رۆژئاوا بکەن
