نرخی نەوت بەرزبووەوە

ئەرسەلان عەبدوڵا

ئەمڕۆ چوارشەممە 28.1.2026 نرخی نەوت لە بازاڕی جیهاندا بەرزبووەوە، ئەمەش پەیوەندی بە چەند بارودۆخێكی جیاجیاوە هەیە.

ئەمڕۆ نرخی یەك بەرمیل نەوتی برێنت 25 سەنت بەرزبووەوە و بە 67.82 دۆلار مامەڵەی پێوەكرا.

هەروەها نرخی یەك بەرمیل نەوتی تێكساس بە هەمان شێوە بەرزبووەتەوە و بە 62.72 دۆلار مامەڵەی پێوەكرا.

ئەمە نرخی ئەم بەیانییەیە بە كاتی كوردستان و بۆی هەیە گۆڕانكاریشی بەسەردا بێت.

شیكەرەوانی بازاڕی ئابووری، ئەو زریانە بەفر و سەرمایەی ئەمریكای گرتووەوە، بە هۆكارێكی بەرزبوونەوەی نرخی نەوت دەزانن، چونكە بەرهەمهێنانی نەوت لە ئەمریكا كەم دەكاتەوە، ئەمە جگە لە پێشهات و گرژییەكانی رۆژهەڵاتی ناوەڕاست، كە بەردەوامن و رەنگە گۆڕانكاریی گەورەش بەڕێوەبن.