كەمپەینی هاوكاری بۆ كوردانی رۆژئاوا لە هەولێر بەڕێوەدەچێت
“ئەو بابەتانە مەهێنن كە خۆتان لە ماڵەوە بەكاری ناهێنن”
964+
ئەرسەلان عەبدوڵا
لە هەولێر كەمپەینێكی گەورە لەسەر ئاستی ئیدارەی شار دەستپێكردووە بۆ كۆكردنەوەی پێداویستی رۆژانە و هاوكاری بۆ كوردانی رۆژئاوای كوردستان.
پارێزگاری هەولێر ئومێد خۆشناو ئەمڕۆ پێنجشەممە 22.1.2026 بە 964ی راگەیاند، داوا لە هاوڵاتیان و خێرخوازان دەكەن بەشداریی كەمپەینەكە بكەن و پێداویستی بۆ كوردانی رۆژئاوای كوردستان دابین بكەن.
وتیشی، ئەو شتانە مەهێنن كە خۆتان لە ماڵەوە بەكاری ناهێنن، ئێستاش زیاتر شیر و حەفازەی منداڵان، دۆشەك و بەتانی و ئازووقە بهێنن”
پارێزگاری هەولێر دەڵێت، كەمپیەینەكە تا پێویست بكات بەردەوام دەبێت.
بە هەزاران هاوڵاتی كورد لە رۆژئاوای كوردستان بەهۆی هێرشی سوپای سوریای عەرەبی ماڵ و حاڵیان جێهێشتووە و ئاوارەی ناوچەكانی دیكەی رۆژئاوا بوون و ئێستا پێویستییان بە خواردن و جلوبەرگ و كەلوپەلی پێویستی رۆژانە هەیە.
پێداچوونەوە: ئەرسەلان عەبدوڵا
