دەروازەی نێودەوڵەتی زێت تا کاتێکی نادیار داخرا - وێنە: راگەیاندن و پەیوەندییەکانی دەروازەی نێودەوڵەتی زێت
پشوویە
بەهۆی بەستەڵەکەوە؛ دەروازەی نێودەوڵەتی زێت سبەی دادەخرێت
964+
وریا فەتاح
بەڕێوەبەرایەتی دەروازەی نێودەوڵەتی زێت بڕیاریدا سبەی پێنجشەممە کە یەکەم رۆژى ساڵى نوێیە، دەروازەکە بە رووی هاتووچۆدا دابخات و بیکاتە پشووی فەرمی.
بەپێی ڕاگەیەندراوێکی راگەیاندن و پەیوەندییەکانی دەروازەکە، هۆکاری داخستنەکە بۆ تێکچوونی کەشوهەوا دەگەڕێتەوە:
شەپۆلێکی بەفر و باران ناوچەکەی گرتووەتەوە.
بەستەڵەک و شەختەیەکی زۆر لە رێگاکان دروست بووە.
هاتووچۆی خەڵک و گەشتیاران لەسەر رێگاکان مەترسیدار بووە.
دەروازەی زێت وێڕای پیرۆزبایی ساڵی نوێی 2026 لە هاووڵاتییان، جەخت دەکاتەوە کە سبەی هیچ جۆرە هاتووچۆیەکی بازرگانی و گەشتیاری لە دەروازەکە ئەنجام نادرێت و تیمەکانیان لە ئامادەباشیدان.
دەروازەی نێودەوڵەتیی زێت، دەكەوێتە سنووری ناحیەی شێروان مەزن، لە قەزای مێرگەسۆری سەر بە ئیدارەی سۆران، لە رۆژى 10.5.2023 کراوەتەوە بووەتە دەروازەیەکی نوێی نێودەوڵەتی لە نێوان هەرێمی کوردستان و تورکیا.
