گۆشتفرۆشێکی هەولێرە
باوکی حکمەت گۆشتی رێوی دەرخواردی هاوڵاتیان دا؛ داخرا
964+
شۆڕش قادری
گۆشتفرۆشێکی هەولێری پایتەخت بەناوی “باوکی حکمەت” گۆشتی رێوی دەرخواردی هاوڵاتیان داوە، لیژنەکانی قایمقامیەت دایان بەسەریدا و شوێنەکەیان داخست.
بەپێی راگەیەنراوێکی قایمقامیەتی هەولێر، ئەمڕۆ چوارشەممە 31.12.2025 و لە کۆتا رۆژی ساڵدا، لە چوارچێوەی کارەکانی لیژنە هاوبەشەکانی قایمقامیەت و هەڵمەتی بەردەوامی پشکنین و چاودێریکردنی بازاڕ، شوێنێک بە ناوی گۆشتفرۆشی “باوکی حکمەت” داخراوە.
ئاماژە بەوەشکراوە، ئەو شوێنە بەنهێنی و بەدەر لە یاسا ئاژەڵی رێوی کێوی سەربڕیوە و گۆشتەکەی فرۆشتووە بە هاوڵاتیان، بۆیە شوێنەکە داخراوە و رێکاری یاسایی بەرامبەر خاوەنەکەی و ئەو کەسانەشی لەو شوێنە کاریان کردووە، گیراوەتەبەر.
قایمقامیەتی هەولێر دەشڵێت، ئەم ئاژەڵە موڵکی سروشتی کوردستانە، هەر بۆیە سەربڕینی ئەو جۆرە ئاژەڵانە ڕێگەپێدراو نییە.
بەپێی ئاینیی ئیسلامیش رێوی کەڵبەی هەیە و گۆشخۆرە و خواردنی گۆشتەکەی حەرامە.
ئهگهر لهناو پاركی سامی عهبدولڕهحمان رێوی و چهقهڵت بینى لێیان مهترسه
