هەواڵەکان
ساڵی نوێ و دوو موچەکەی فەرمانبەران
+964
ژووری هەواڵ
ئەمڕۆ دوا رۆژی ساڵی 2025ـە، هەرێمی کوردستان بە دۆخێکی قوڕس و سەختی ژیان بۆ هاوڵاتیانی تێدەپەڕێت، موچەخۆرانیش بەشێکی گرنگی ژیانی ئەو هەرێمە پێکدەهێنن، کە ژمارەیان زیاتر لە یەک ملیۆن کەسە، هەر ئەمساڵ نا بەڵکو چەند ساڵێکی دیکەشیان لە رابردوودا بەهۆی کێشە و گرفت و رێکنەکەوتنی نێوان هەولێر و بەغدا بە سەختی تێپەڕاندووە، نەبوونی موچە، پێدانی نیوەموچە و روبعە موچە و هەروەها دواکەوتنی موچەش، ئەمانە ئەو وشە و رستانەن کە چەند ساڵێکە موچەخۆرانی ئەم هەرێمە دەرخیان کردووە و ژیان گوزەرانیان پێوە تلاوەتەوە.
دابەشكردنی موچەی مانگی یەكی 2026 لە عێراق دەستپێدەكات
دەزگای ئاسایشی هەرێم دەڵێت لە ساڵی 2025 دا توانیویانە لە 298 ئۆپەراسیۆنی رووبەڕووبوونەوەی تیرۆر و 127 پرۆسەی کێوماڵکردنی مۆڵگەکان 716 تیرۆرست دەستگیربکەن.
لەمساڵدا هەرچی کراوەوە و نەکراوە دەزگای ئاسایشی هەرێم ئامارەکەی بڵاوکردەوە
سلێمانی لە ئامادەکاریدا بۆ پێشوازی کردن لەساڵی نوێ، هەرچەندە پێشتر د.هەڤاڵ ئەبوبەکر پارێزگاری سلێمانی رایگەیاندبوو کە بەهۆی ئەو لافاوەی رووبەڕووی چەمچەماڵ و دەوروبەری بووەوە و وەکو هاوخەمییەک بۆ هاوڵاتیانی بۆ سەری ساڵ هیچ ئاهەنگێکی فەرمی ساز ناکرێت، بەڵام هاوڵاتیان بایی خۆیان لە ماڵەکانیان دێنە دەرەوە و دەیانەوێت دواچرکەکانی ماڵئاوایی ساڵی 2025 بە چاوی خۆیان ببینن.
لە هەولێر یاریی ئاگرین لە هۆڵەکانی بۆنە و ئاهەنگ قەدەغەکران
ئەمڕۆ لە هەولێر ئەو بەشەی شەقامی 100 مەتری کرایەوە کە ماوەیەک بوو داخرابوو و کاری نۆژەنکردنەوەیان بۆ دەکرد، لە رۆژانی سەرەتای داخستنی ئەم شەقامە، شۆفێران تا راهاتن شەقامی جێگرەوە بەکاربهێنن کاتێکی زۆریان لێ بەفیڕۆ دەچوو و رێگای چوون و هاتنەوەیان لێ دوور دەکەوتەوە، چونکە درێژی شەقامەکە چوار کیلۆمەترە.
