مەترسییە بۆ شێرپەنجە
عێراق ئەو جۆرە پلاستیکە قەدەغە دەکات کە یەکجار بەکاردێت
964+
فەرهاد حەسەن
وەزارەتی ژینگەی عێراق هۆشداری دەدات لەوەی رێژەی پاشماوە پلاستیکییەکان گەیشتووەتە ئاستێکی مەترسیدار و دەبێتە هۆی بڵاوبوونەوەی مادەی شێرپەنجەیی، بۆیە حکومەت کار لەسەر بڕیارێک دەکات بۆ قەدەغەکردنی بەرهەمە پلاستیکییەکان.
بەپێی راگەیەندراوێکی وەزارەتی ژینگە، عیراق بەدەست بەرزیی رێژەی پاشماوەکانەوە دەناڵێنێت و سیستمی جیاکردنەوە و ریسایکلینی نییە، بەجۆرێک رێژەی پاشماوەی پلاستیکی 40%ی کۆی پاشماوەکان پێکدەهێنێت، ئەمەش وایکردووە بەشێوەیەکی کراوە بسووتێنرێن و مادەی “دیۆکسین”ی شێرپەنجەیی لێ دەربچێت.
وەزارەتی ژینگە جەختدەکاتەوە، پێویستە خۆراک و ئاو و یاریی منداڵان لە مادە پلاستیکییەکان بپارێزرێن، چونکە سەرەڕای ئەوەی عێراق وڵاتێکی نەوتییە، بەڵام پیشەسازیی پترۆکیمیایی لاوازە و زۆربەی پلاستیک هاوردە دەکرێت و تەنیا بۆ یەکجار بەکاردەهێنرێت.
لەسەر راسپاردەی سەرۆکایەتی ئەنجومەنی وەزیران و وەزارەتی ژینگە، کار بۆ دەرکردنی بڕیارێک دەکرێت، بە مەبەستی سنووردارکردنی هاوردەکردن و بەکارهێنانی پلاستیکی “یەکجار بەکارهاتوو”، لە ئێستاشدا بڕیارەکە لەسەر مێزی ئەنجومەنی وەزیرانە.
ئەمساڵ بەرهەمی شیلکی خانووە پلاستیکییەکان کەمە
