"لە جوملە نەماوە"
ملپێچە سورەکە عاشقان دەیبەن و بەدەست ناکەوێ
964+
عەبدولعەزیز خالند – هەولێر
یەکێک لە فرۆشیارەکانی ئاهەنگی سەری ساڵ لە هەولێر دەڵێ، ملێچی رەنگی سوور کە بووە ترێند خەڵکێکی زۆر دەیکڕن، بە تایبەت عاشقان و ئەو کەسانەی وەک دیاری بۆ کچەکانیان دەیانەوێ کەلوپەپ ببەن، دێن ملپێچ دەبەن.
بە گوێرەی قەبارەکەی دوو جۆری هەیە، ملپێچێکی کورت و ئەوەی دیکە درێژ و قەبارەی فراوانترە.
محەمەد ئەسعەد فرۆشیارەکەیە ئەو قسە بۆ پەیامنێرمان دەکات و دەڵێ، ملێچەکە بەڕادەیەک خواستی لەسەرە، ئێستا لە بازاڕ و لە جوملەی خۆمان نەماوە، تا بچین رێژەیەکی زیاتر بهێنین و بیفرۆشین.
بۆنەکان، هاوکارن بۆ ئەوەی قسە یان خواردن و کەلوپەل ببێ بە ترێند، وە لە سۆشیال میدیاوە وەک خواستی گشتی بڵاودەکرێتەوە، ئەم سەری ساڵی نوێیە خێر و بەرەکەت بووە بۆ ملێچی سوور و زۆر کەس دەیکڕن و بۆ سەرمای شەوان لە ملی دەکەن.
پێداچوونەوە: ئەحمەد مستەفا
