رێڕەوە ئاوییەکانی بانی مەقان رێکدەخرێنەوە و بەربەستەکان لادەبرێن

964+

شۆڕش قادری

بۆ رێگریکردن لە دروستبوونەوەی لافاو، رێڕەوە ئاوییەکانی بانی مەقان لە چەمچەماڵ رێکدەخرێنەوە و بەربەستەکانی بەردەمیان لادەبرێن.

بەڕێوەبەرایەتی گشتی شارەوانییەکانی سلێمانی ڤیدیۆی کارکردنی تیمەکانی هونەری لە ئەندازیاران و رووپێوانی شارەوانی چەمچەماڵ بڵاوکردووەتەوە و نووسیویەتی، پاککردنەوەی رێڕەوە ئاوییەکانی بانی مەقان بەردەوامە و تیمەکان بەدرێژایی رۆژ ئیش دەکەن.

ئاماژە بەوەشکراوە، جگە لە چاککردن و فراوانکردنی رێڕەوە ئاوییەکان، سەرجەم ئەو بەربەستانە لادەبرێن کە دەکەونە سەر رێڕەوە ئاوییەکان.

وەک بەڕێوەبەرایەتی گشتی شارەوانییەکانی سلێمانی دەڵێت، ئەو هەنگاوە وەک رێکارێکی بەپەلەیە بۆ رێگریکردن لە ئەگەری دووبارەبوونەوەی لافاو.

لافاوەکە رۆچوونی زەوی لەسەر رێگای چەمچەماڵ - سلێمانی دروستکردووە

لە چەمچەماڵ بۆردی هاوکاریکردنی زیانلێکەوتووانی لافاو راگەیەنرا