بەشى مۆڵەت لە هاتوچۆى کۆیە
کارەکان راگیران
هاتوچۆى کۆیە بۆ فێرخوازانى شۆفێرى: تا دواى سەرى ساڵ سەردانمان مەکەن
964+
وریا فەتاح
بەهۆی نزیکبوونەوە لە کۆتایی ساڵ و پاکتاوی کارە ژمێریارییەکان، بەڕێوەبەرایەتی هاتووچۆى کۆیە ئاگادارییەکی گرنگ بڵاودەکاتەوە و داوا لە هاوڵاتیان دەکات تا ساڵی نوێ سەردانیان نەکەن.
بەپێى ئاگادارییەکە، لە ئێستاوە تا دوای پشووەکانی ساڵی نوێ، راییکردنی هەموو جۆرە مامەڵەیەکی هاوڵاتیان و فێرخوازان راگیراوە.
وەک روونکراوەتەوە، بڕیارەکە هۆبەی مۆڵەت، هۆبەی هونەری (پشکنینی ئۆتۆمبێل) و سەرجەم هۆبەکانی دیکەی بەڕێوەبەرایەتییەکە دەگرێتەوە.
جەختیشکراوەتەوە، دوای پشووەکانی ساڵی نوێ و دەستبەکاربوونەوەی یەکەی ژمێریاری، دەرگای بەڕێوەبەرایەتییەکان بەڕووی هاوڵاتیاندا دەکرێتەوە.
داواش لە هاوڵاتیان و فێرخوازان دەکات، لەم ماوەیەدا سەردانی هۆبەکان نەکەن، چونکە هیچ مامەڵەیەک ئەنجام نادرێت.
