باران دیار نییە

964+

ژێوار خدر

ئەو بارانەی زۆرێک بۆ پیاسەیەکی ئێواران و جەوێکی جیاواز چاوەڕێی دەکەن، ئەم هەفتەیە بڕیاری داوە دەرنەکەوێت، واباشترە ئەو پلانانەی بۆ کاتی بارانبارین، پیاسە و وێنەگرتن داتاننابوو بۆ کاتێکی نادیاردوایبخەن، چونکە ئاسمان هێشتا بڕیاری نەداوە بیبارێنێت.

بەپێی پێشبینییەکانی بەڕێوەبەرایەتی گشتی کەشناسی و بوومەلەرزەزانی سلێمانی، بۆ 48 کاتژمێری داهاتوو هیچ شەپۆلێکی بارانبارین لە ئارادا نییە، ئەمڕۆ هەینی ئاسمان لەنێوان ساماڵ و پەڵەهەوردا دەبێت، پلەکانی گەرماش بەراورد بە دوێنێ کەمێک بەرزتر دەبنەوە، خێرایی باش لەسەرخۆ و مامناوەند و لەنێوان 10 بۆ 20 کم لە کاتژمێرێکدا دەبێت.

بۆ سبەی شەممەش، کەشوهەوا بە هەمان شێوەی ئەمڕۆ جێگیر دەبێت و ئاسمان هەر بە ساماڵ و پەڵەهەوری دەمێنێتەوە، پلەکانی گەرما نزیک دەبن لە تۆمارکراوەکانی ئەمڕۆ و گۆڕانکارییەکی ئەوتۆیان بەسەردا نایەت و

بەرزترین پلەکانی گەرمای پێشبینیکراو بە پلەی سیلیزی

هەولێر : 15 پلەی سیلیزی

سلێمانی : 13 پلەی سیلیزی

دهۆک : 16 پلەی سیلیزی

زاخۆ  : 17  پلەی سیلیزی

کەرکوک : 18 پلەی سیلیزی

هەڵەبجە : 16 پلەی سیلیزی

سۆران : 14 پلەی سیلیزی

گەرمیان  : 18 پلەی سیلیزی

ئەم دوو رۆژە بەتەماى باران مەبن