لۆگۆی دژە تیرۆری کوردستان.
تا چەند کاتژمێرێکی دیکە بەردەوامییان دەبێت
ئاسایشی هەولێر بۆ 964: ئەو دەنگەی بیستراوە مەشقی هاوپەیمانان بوو
964+
فەرمان سادق
ئەمشەو چەند دەنگێکی گەورە لە دەوروبەری هەولێر بیستران، بەڕێوەبەری ئاسایشی هەولێریش دەڵێت: ئەو دەنگە هی مەشقی هێزەکانی هاوپەیمانان بوو.
تاریق نوری، بەڕێوەبەری ئاسایشی هەولێر بە 964ـی وت، ئەو دەنگەی بیستراوە مەشقی هێزەکانی هاوپەیمانان بوو جەختی لەوەکردەوە کە مەشقەکە بەمشەوە دەکرێت و بەردەوامیش دەبێت.
هاوکات بەڕێوەبەرایەتی دژە تیرۆری کوردستان، لە روونکردنەوەیەکدا لە پەیجی خۆیان ئەوە دووپات دەکاتەوە و دەڵێت: بەردەوامیش دەبیت.
دژە تیرۆر دەشڵێت: دەنگی ئەو تەقینەوانەی کە لەسنووری هەولێر دەبیسترێت مەشق و راهێنانی هێزەکانی هاوپەیمانانە.
زیاتر وتیشی “هەموو لایەک دڵنیا دەکەینەوە دەنگی ئەو تەقینەوانەی کە لە سنووری پارێزگای هەولێر دەبیسترێن، مەشق و راهێنانی هێزەکانی هاوپەیمانانە و تا چەند کاتژمێرێکی دیکە بەردەوامییان دەبێت و هیچ جێگای مەترسی نین”.