لە 24 کاتژمێردا؛ لە بەرزنجە 206 ملم باران باریوە

964+

وریا فەتاح

بەپێی دوایین ئاماری بەڕێوەبەرایەتیی گشتیی کەشناسی و بوومەلەرزەزانیی هەرێم، لە ماوەی 24 کاتژمێری رابردوودا (لە 9ی بەیانی دوێنێ تا 9ی بەیانی ئەمڕۆ 10/12/2025)، بڕێکی زۆر باران لە ناوچە جیاجیاکانی هەرێمی کوردستان باریوە، کە پشکی شێر بەر پارێزگای سلێمانی کەوتووە.

زۆرترین و کەمترین رێژەی بارانبارین:

زۆرترین بڕی باران: لە شارۆچکەی بەرزنجە تۆمار کراوە کە بڕەکەی 206.5 ملم بووە، دوای ئەویش چوارتا دێت بە 201 ملیم.
کەمترین بڕی باران: لە باعەدرێ (سنووری دهۆک) تۆمار کراوە کە تەنیا 1 ملم بووە.
ئەو ناوچانەی لە 100 ملم زیاتریان لێ باریوە (سەرجەمیان لە سنووری پارێزگای سلێمانین):

بەپێی خشتەکە، ئەم ناوچانە ژمارەی پێوانەییان تۆمار کردووە و لە سەرووی 100 ملیم بارانیان لێ باریوە:

1.  بەرزنجە: 206.5 ملم

2.  چوارتا: 201 ملم

3.  تەکیەی کاکەمەند: 173.5 ملم

4.  یاخسەمەر: 154.2 ملم

5.  سەنگاو: 144 ملم

6.  هەڵەبجەی تازە: 141.2 ملم

7.  دەربەندیخان: 134.4 ملم

8.  چەمچەماڵ: 127.1 ملم

9.  سلێمانی (سەنتەری شار): 122.7 ملم

10.                بازیان: 120 ملم

11.                پێنجوێن: 118.8 ملم

12.                ماوەت: 112.1 ملم

13.                قەرگە: 107.8 ملم

14.                سەید سادق: 106.5 ملم

15.                قەرەداغ: 103.6 ملم

جێی ئاماژەیە، لە پارێزگاکانی هەولێر و دهۆک و کەرکوک و هەڵەبجە، رێژەی بارانبارین مامناوەند بووە و نەگەیشتووەتە 100 ملم؛ بەرزترین رێژە لە هەڵەبجە (سیروان 95.3 ملم)، لە کەرکوک (مەیدان 88.8 ملم)، لە هەولێر (حاجی ئۆمەران 27.2 ملم) و لە دهۆک (زاخۆ 18.5 ملم) بووە.

بارانەکەی نەرم بوو بەڵام پۆندەکانیش هەولێر لە لافاو دەپارێزن