یەکێک لە کامێرا جێگیرەکانى چاودێرى تیژڕۆیى - وێنە: بۆ 964 نێردراوە
روونکردنەوە دەدرێت
رێژەى 10%ـى سزاى سەرپێچى هاتوچۆ بۆ کارمەند و ئەفسەران دەگەڕێتەوە؟
964+
وریا فەتاح
هاتوچۆى سۆران لە راگەیەندراوێکدا رەتى دەکاتەوە کە هیچ رێژەیەک لە سزاى سەرپێچى هاتوچۆ بۆ کارمەند و ئەفسەرانیان بگەڕێتەوە.
راگەیەنراوەکە وەڵامى بابەتێکە کە لە سۆشیال میدیاى سنوورەکەیان بڵاوکراوەتەوە و گوایە 10%ـى سزاى سەرپێچى هاتوچۆ، بۆ کارمەندان و ئەفسەرانى هاتوچۆ دەگەڕێتەوە.
هاتوچۆى سۆران جەخت دەکاتەوە، و دەڵێت،” ئەمە بابەتى ناڕاست و بێ بنەیە، هیچ رێژەیەکى ئەو سزایەى لە کاتى تۆمارکردنى سزاى هاتوچۆ لەسەر شۆفێران تۆمار دەکرێت، بۆ کارمەندان و ئەفسەران ناگەڕێتەوە.
روونیشى دەکاتەوە، هیچ بریارێک و رێنماییەکى دارایی و وەزارەتی ناوخۆ بوونی نییە بۆ ئەوە.
