ئۆتۆمبێلە هەڵدێراوەکەی شاخی ئەزمەر دۆزرایەوە

964+

دیلان محەمەد- سلێمانی

کەمێک پێش ئێستا ئەو ئۆتۆمبێلەی لەشاخی ئەزمەڕ لە سلێمانی هەڵدێرابوو لەلایەن تیمەکانەوە دۆزرایەوە و ژمارەی بریندارەکانیش لە پێنجەوە بوو بە شەش.

پەیامنێری 964 لە سەر شاخی ئەزمەڕ ئەو زانیاریانەی لەسەر ئەم رووداوە دەستکەوتووە کە تاوەکو ئێستا هۆکاری هەڵدێرانی ئۆتۆمبێلەکە نەزاندراوە و پێشتریش شوێنی هەڵدێرانەکەی نادیار بووە.

دەشڵێت، کە تیمەکانی فریاگوزاری گەیشتنە شوێنەکە، شوێنی هەڵدێرانی ئۆتۆمبێلەکەیان دۆزیەوە و ئەوەشیان ئاشکرا کرد کە هەشت سەرنشین لەناو ئۆتۆمبێلەکە بوونە و شەشیان بریندارن بەڵام دۆخی تەندروستیان جێگیرە.

پێداچوونەوە: فەرهاد حەسەن