هەفتانە چوار گەشتی دەبێت
بهم بهیانییه (Ajet) گهیشته فڕۆكهخانهى سلیمانى
964+
فەرهاد حەسەن
بەرەبەیانى ئەمڕۆ هێڵى فڕۆکەوانى تورکی Ajet یەکەم گەشتی بۆ هەرێمی کوردستان دەستپێکرد و لە لە فڕۆکەخانەى سلێمانی نیشتەوە.
فڕۆکەخانەی نێودەوڵەتی سلێمانی بڵاویکردەوە ئەمڕۆ لە پێشوازی دەستپێکردنی گەشتێکی نوێی ئاسمانن بوون و لە چوارچێوەی فراوانکردنی گەشتە ئاسمانییەکان، بەرەبەیانی ئەمڕۆچوارشەممە هێڵی ئاسمانی (Ajet) گەشتە ئاسمانییەکانی بۆ فڕۆکەخانەی نێودەوڵەتی سلێمانی دەستپێکرد.
بەپێی ئەو خشتەیەی راگەیاندراوە هەفتانە چوار گەشتی ئاسمانی لە نێوان ئەستەنبوڵ – سلێمانی – ئەستەنبوڵ، ئەنجام دەدەن.
پێشتر دانا محەمەد، بەڕێوەبەری راگەیاندنی فڕۆکەخانەی سلێمانی بە 964ـى وتبوو دواى دەستپێکردنەوەى گەشتە ئاسمانییەکانى نێوان سلێمانى و تورکیا، بڕیارە لەسەرەتاى مانگى کانوونی یەکەم هێڵێکى نوێى فڕۆکەوانى تورکی بەناوى Ajet لە فڕۆکەخانەى سلێمانییەوە گەشتەکانى دەستپێبکات.
رۆژی 3.11.2025، دواى دووساڵ و حەوت مانگ لە قەدەغەى گەشت، یەکەم فڕۆکەى هێڵى تورکیش ئێرلاین لە فڕۆکەخانەى سلێمانى نیشتەوە و ئەوەی ئەمڕۆش دەبێتە دووەم کۆمپانیای فڕۆکەوانی تورکی کە گەشتەکانیان بۆ سلێمانی دەستپێدەکەنەوە.
لەسەرەتاى مانگى داهاتووەوە هێڵێکى نوێى تورکیا لە فڕۆکەخانەى سلێمانییەوە دەستبەکار دەبێت
ئەمشەو یەکەم فڕۆکە لە ئیستانبوڵەوە بەرەو سلێمانى دەفڕێت
