دیمەنی یەكێك لە پانێلەكانی هەڵمەتی بەرەنگاربوونەوەی توندوتیژی دژی ژنان لە هەولێر
لە هەولێر
16 رۆژ باسی توندوتیژی دژی ژنان دەكرێت
964+
ئەرسەلان عەبدوڵا
هەڵمەتی 16 رۆژەی بەرەنگاربوونەوەی توندوتیژی دژی ژنان لە هەولێر دەستیپێكرد و چاوەڕێی بڵاوبوونەوەی ئامار و گۆڕانكارییەكان دەكرێت.
ئەمڕۆ سێشەممە 25.11.2025، لە رێوڕەسمێكدا لە هەولێر، بەبۆنەی رۆژی جیهانیی بەرەنگاربوونەوەی توندوتیژی دژی ژنان، هەڵمەتی 16 رۆژە لەلایەن ئەنجومهنی باڵای خانمان و گهشهپێدان دەستیپێكرد و بەم بۆنەیەوە چەندین چالاكی لەسەر ئەم بابەتە پێشكەشكرا.
هەڵمەتەكە، كە بە ئامادەبوونی وەزیری ناوخۆی كوردستان و چەند وەزیرێكی دیكە و پارێزگاری هەولێر دەستیپێكرد، ماوەی 16 رۆژ دەخایەنێت و تێیدا وەك ئاماژەی پێكراوە، كار دەكرێت بۆ چۆنیەتی رووبەڕووبوونەوەی توندوتیژی دژی ژنان، سیمینار و گفتوگۆ و چالاكی هونەری و كۆمەڵایەتی پێشكەش دەكرێن.
راگەیاندراوی پارێزگای هەولێر لەم بارەیەوە دەڵێت، لە هەڵمەتەكەدا چاوەڕێ دەكرێت لایەنی پەیوەندیدار، ئامار و داتاكان لە بارەی ئەو توندوتیژییانەی بەرامبەر ژنان كراوە بخەنەروو .
رۆژی 25.11ی هەموو ساڵێك وەك رۆژی بەرەنگاربوونەوەی توندوتیژی دژی ژنان دیاریكراوە ، لە ساڵی 1981وە ئەم یادە ساڵانە دەكرێتەوە .
